آبنائے ہرمز: پھنسے ملاحوں اور جہازوں کے انخلا کے لیے بڑا بحری آپریشن شروع

تہران (مانیٹرنگ ڈیسک) آبنائے ہرمز میں پھنسے ہوئے 11 ہزار ملاحوں اور سیکڑوں جہازوں کے انخلا کے لیے بڑے پیمانے پر آپریشن شروع کر دیا گیا ہے۔انٹرنیشنل میری ٹائم آرگنائزیشن (آئی ایم او) کے مطابق یہ کارروائی ایران، عمان، امریکا اور خطے کے دیگر ممالک کے تعاون سے انجام دی جا رہی ہے۔ ادارے نے بتایا ہے کہ ضروری سیکیورٹی ضمانتیں حاصل کر لی گئی ہیں اور محفوظ بحری نقل و حرکت کے لیے حالات کا مکمل جائزہ لے لیا گیا ہے۔آئی ایم او کی ترجمان کے مطابق انخلا کے عمل کے آغاز کے لیے جہازوں سے رابطہ بھی شروع کر دیا گیا ہے تاکہ آپریشن کو منظم اور محفوظ انداز میں مکمل کیا جا سکے۔