لاہور (پاکستان خبر) وزیراعلیٰ پنجاب مریم نواز شریف مری پہنچ گئی ہیں، جہاں شہر میں جاری ترقیاتی منصوبوں کا جائزہ لینے کے لیے کل اہم اجلاس طلب کیا گیا ہے۔پارٹی ذرائع کے مطابق مریم نواز خصوصی طیارے کے ذریعے لاہور سے اسلام آباد روانہ ہوئیں، جہاں انہیں مری میں جاری ترقیاتی اسکیموں کے حوالے سے بریفنگ دی جائے گی۔ذرائع کا کہنا ہے کہ اجلاس میں مریم نواز شریف اور سابق وزیراعظم نواز شریف کے درمیان مری کے ترقیاتی منصوبے کے مختلف امور پر مشاورت بھی متوقع ہے۔اجلاس میں مال روڈ اور جھیکا گلی چوک کی تعمیر نو اور بحالی سے متعلق تجاویز کا بھی جائزہ لیا جائے گا۔ذرائع کے مطابق مال روڈ کے پہاڑی جانب متاثر ہونے والے افراد کو معاوضے کی ادائیگی کے معاملے پر بھی غور ہوگا، جبکہ سابق وزیراعظم نواز شریف گزشتہ ایک ہفتے سے مری کے علاقے چھانگلہ گلی میں مقیم ہیں۔
