واشنگٹن( مانیٹرنگ ڈیسک)امریکی صدر ڈونلڈ ٹرمپ کی دوسری صدارتی مدت کے دوران خاتونِ اوّل میلانیا ٹرمپ کی محدود عوامی موجودگی نے نئی بحث کو جنم دے دیا ہے۔رپورٹ کے مطابق میلانیا ٹرمپ رواں سال اب تک صرف 38 دن عوامی سطح پر نظر آئی ہیں، جبکہ ان کی آخری عوامی شرکت 19 جولائی کو نیو جرسی میں فیفا ورلڈ کپ کے فائنل کے موقع پر ہوئی تھی۔میلانیا ٹرمپ نے متعدد اہم تقریبات میں بھی شرکت نہیں کی، جہاں عام طور پر امریکی خاتونِ اوّل کی موجودگی متوقع ہوتی ہے۔ ان میں سینیٹر لنزے گراہم کی آخری رسومات، وائٹ ہاؤس کورسپونڈنٹس ایسوسی ایشن کی نئی طرز پر منعقد ہونے والی تقریب اور 22 جولائی کو ہلاک امریکی فوجیوں کو خراجِ عقیدت پیش کرنے کی تقریب شامل ہیں۔
