مشرقی وسطیٰ کی کشیدگی: پاکستان کے 84 ایئرپورٹ پروازیں منسوخ، فضائی حدود بند

کراچی( پاکستان خبر) مشرق وسطیٰ میں جاری کشیدگی کے باعث آج پاکستان کے مختلف ایئرپورٹس سے خلیجی ممالک کے لیے 84 پروازیں منسوخ ہو گئیں۔کراچی ائیرپورٹ سے 20، اسلام آباد سے 18، لاہور سے 18، پشاور سے 16، ملتان سے 4 اور سیالکوٹ سے 8 پروازیں منسوخ کی گئیں۔ منسوخ پروازوں میں ایمریٹس، اتحاد ایئر، گلف، ائیر عربیہ، پی آئی اے، ایئر بلیو، قطر ایئر ویز اور دیگر ملکی و غیر ملکی ائیرلائنز شامل ہیں۔حکام کے مطابق گزشتہ 12 روز کے دوران خلیجی ممالک کے لیے منسوخ پروازوں کی تعداد 1,308 ہو گئی ہے، جبکہ یو اے ای، قطر، ایران، کویت اور بحرین کی فضائی حدود بند ہیں۔ فضائی حدود کی بندش کے باعث 28 فروری سے ہزاروں پاکستانی پھنسے ہوئے ہیں، تاہم دوحہ، دبئی، ابو ظہبی، شارجہ اور بحرین سے ریلیف پروازوں کی مشروط اجازت دی جا رہی ہے۔دوسری جانب فیصل آباد ائرپورٹ پر آج دبئی، شارجہ، راس الخیمہ سمیت دیگر بین الاقوامی پروازوں کا آپریشن معمول کے مطابق بحال ہو گیا ہے۔