جبوتی( مانیٹرنگ ڈیسک) جبوتی سے یمن جانے والی تارکین وطن کی کشتی الٹنے کے نتیجے میں 139 افراد ہلاک ہو گئے، جبکہ 84 افراد تاحال لاپتہ ہیں اور 82 کو بچا لیا گیا ہے۔اقوام متحدہ کے مطابق حادثے کے وقت کشتی میں مجموعی طور پر 305 تارکین وطن سوار تھے، جن میں سے 15 بچوں سمیت 139 افراد جان کی بازی ہار گئے۔حادثہ جبوتی کے ساحلی علاقے اوبوک کے قریب پیش آیا۔ واقعے کی اطلاع ملتے ہی امدادی کارروائیاں شروع کر دی گئیں، جبکہ لاپتہ افراد کی تلاش جاری ہے۔یہ افسوسناک حادثہ بہتر مستقبل کی تلاش میں افریقہ سے خلیجی خطے کا رخ کرنے والے تارکین وطن کو درپیش خطرناک سمندری سفر کے سنگین نتائج کو اجاگر کرتا ہے۔
