لاہور ( سپورٹس ڈیسک)دورہ انگلینڈ میں قومی ٹیم کی ناقص کارکردگی کے بعد اسکواڈ میں بڑے پیمانے پر تبدیلیوں کے دوران مصباح الحق نے سلیکشن کمیٹی کی رکنیت سے استعفیٰ دے دیا۔ذرائع کے مطابق پاکستان کرکٹ ٹیم کی سلیکشن کمیٹی کے رکن مصباح الحق نے اپنا استعفیٰ پاکستان کرکٹ بورڈ کو ارسال کردیا ہے۔ذرائع کا کہنا ہے کہ مصباح الحق نے دورہ انگلینڈ کے لیے کھلاڑیوں کے انتخاب میں مشاورت نہ کیے جانے پر اپنے عہدے سے علیحدگی اختیار کی۔واضح رہے کہ قومی ٹیم کی مایوس کن کارکردگی کے بعد 7 کھلاڑیوں کو وطن واپس بھیجنے کا فیصلہ کیا گیا تھا۔واپس بلائے جانے والے کھلاڑیوں میں محمد رضوان، سلمان علی آغا اور امام الحق بھی شامل ہیں۔
