کراچی( کامرس ڈیسک)کراچی میں پاکستان اسٹاک ایکسچینج کے کاروباری ہفتے کے تیسرے روز ملا جلا رجحان دیکھا جا رہا ہے۔کاروبار کے دوران 100 انڈیکس میں 166 پوائنٹس کا اضافہ ریکارڈ کیا گیا، جس کے بعد انڈیکس بڑھ کر 1 لاکھ 80 ہزار 559 پوائنٹس کی سطح پر پہنچ گیا۔ٹریڈنگ کے دوران انڈیکس نے 1 لاکھ 79 ہزار 962 پوائنٹس کی کم ترین جبکہ 1 لاکھ 81 ہزار 357 پوائنٹس کی بلند ترین سطح بھی دیکھی۔گزشتہ روز کاروبار کے اختتام پر 100 انڈیکس 1 لاکھ 80 ہزار 392 پوائنٹس پر بند ہوا تھا۔ مجموعی طور پر مارکیٹ میں محتاط اور اتار چڑھاؤ کا رجحان برقرار رہا۔
