تہران( مانیٹرنگ ڈیسک)ایرانی سپریم نیشنل سکیورٹی کونسل کے سیکریٹری محسن رضائی نے امریکی صدر ڈونلڈ ٹرمپ کی جانب سے ایران کے خلاف جنگ میں کامیابی کے دعوے کو مسترد کردیا۔سماجی رابطے کی ویب سائٹ ایکس پر جاری بیان میں محسن رضائی نے کہا کہ محض دعوے کرنے سے حقیقت تبدیل نہیں ہوتی، اصل صورتحال کا تعین ایران کے عوام، فوج اور میزائلوں کی موجودگی سے ہوتا ہے۔انہوں نے کہا کہ ناکامیوں کے باوجود امریکی صدر مسلسل دعوے کررہے ہیں اور ان کے بیانات اب ان کے اپنے تصورات سے بھی آگے بڑھ چکے ہیں۔محسن رضائی کا کہنا تھا کہ کوئی شخص اپنی خیالی دنیا میں روزانہ کامیابی حاصل کرسکتا ہے، لیکن حقیقی صورتحال زمینی حقائق سے تشکیل پاتی ہے۔
