مجتبیٰ خامنہ ای کا عسکری کمانڈرز کو دشمن کے ہر خطرے کا فوری جواب دینے کا حکم

تہران ( مانیٹرنگ ڈیسک) ایرانی سپریم لیڈر آیت اللہ مجتبیٰ خامنہ ای نے عسکری کمانڈرز کو ہدایت کی ہے کہ دشمن کی کسی بھی جارحیت کا فوری، بھرپور اور جغرافیائی حدود سے آزاد ہوکر جواب دیا جائے۔غیر ملکی خبر رساں ادارے کے مطابق عسکری کمانڈرز سے خطاب کرتے ہوئے مجتبیٰ خامنہ ای نے کہا کہ نئے تنازع کی صورت میں جنگ کے خاتمے کی شرائط اور وقت کا فیصلہ ایران خود کرے گا۔انہوں نے کہا کہ ایران مغربی ایشیا میں نیا سیاسی اور سیکیورٹی نظام تشکیل دینے کا خواہاں ہے۔ کمانڈرز کو ہدایت کی گئی کہ کسی بھی سطح یا نوعیت کے خطرے کا فوری جواب دیا جائے اور اہداف کا ڈیٹا بیس لازمی طور پر اپ ڈیٹ رکھا جائے، جبکہ دشمن کے تمام اثاثے ایرانی مسلح افواج کے نشانے پر ہونے چاہئیں۔ملاقات کے دوران کمانڈرز نے خلیج فارس، آبنائے ہرمز اور بحیرہ عمان میں فورسز کی تیاریوں سے متعلق رپورٹ پیش کی اور شمال مغربی و جنوب مشرقی سرحدوں پر تعینات محافظوں کی حربی صلاحیتوں سے بھی آگاہ کیا۔کمانڈرز نے بتایا کہ مختلف اقسام کے جدید جنگی ہتھیاروں کی پیداوار میں ریکارڈ اضافہ ہوا ہے۔ اس کے علاوہ سپریم لیڈر کو جدید جاسوسی، معاون اور جنگی ڈرونز کی تیاری کے حوالے سے بھی بریفنگ دی گئی۔