منگولیا ( مانیٹرنگ ڈیسک)منگولیا کے صدر اوکھناگین کھورلسوکھ نے فوجی یونٹ کے دورے کے دوران اپنی غیر معمولی جسمانی طاقت کا مظاہرہ کرکے وہاں موجود افراد کو حیران کردیا۔دورے کے دوران صدر نے بنچ پریس کے ذریعے 100 کلوگرام وزن کو مسلسل 20 مرتبہ اٹھایا اور اپنی جسمانی فٹنس کا عملی مظاہرہ کیا۔58 سالہ اوکھناگین کھورلسوکھ سابق فوجی افسر اور سابق وزیراعظم بھی رہ چکے ہیں۔ وہ مارشل آرٹس اور جسمانی فٹنس میں دلچسپی کے حوالے سے بھی شہرت رکھتے ہیں۔
