واشنگٹن( ویب ڈیسک)امریکہ میں اڑتی ہوئی نامعلوم چیزوں سے متعلق کچھ خفیہ سرکاری دستاویزات سامنے آئی ہیں، جنہوں نے ایک بار پھر پراسرار واقعات پر بحث چھیڑ دی ہے۔دستاویزات کے مطابق امریکی تحقیقاتی ادارے کے اہلکاروں نے ایک ایسی جگہ پر غیر معمولی چمکدار روشنیوں کا مشاہدہ کیا، جو کئی برسوں سے مقامی افراد کے لیے ایک معمہ بنی ہوئی ہیں۔ یہ روشنیاں امریکہ کے شمال مشرقی علاقے میں واقع ایک ویران تالاب کے قریب بار بار دیکھی جاتی رہی ہیں، تاہم ان کی اصل حقیقت اب تک واضح نہیں ہو سکی۔رپورٹس کے مطابق عام طور پر ایسی نامعلوم چیزوں کی تحقیقات مشکل ہوتی ہیں کیونکہ وہ مختصر وقت کے لیے نظر آتی ہیں اور پھر غائب ہو جاتی ہیں۔ تاہم ان روشن چیزوں کے ایک ہی مقام پر بار بار ظاہر ہونے کی وجہ سے حکام کو ان کے مشاہدے، ویڈیوز بنانے اور عینی شاہدین سے معلومات حاصل کرنے کا موقع ملا۔
