اسلام آباد( کامرس ڈیسک) نیشنل اکاؤنٹس کمیٹی نے مالی سال 2025-26 کے معاشی اہداف کی منظوری دیتے ہوئے گزشتہ مالی سال کی مجموعی ملکی پیداوار (جی ڈی پی) کی شرح نمو پر نظرثانی کر دی، جس کے بعد معاشی ترقی کی شرح میں 0.05 فیصد کمی ریکارڈ کی گئی۔نیشنل اکاؤنٹس کمیٹی کے مطابق مالی سال 2025-26 کے لیے پاکستان کی جی ڈی پی کی شرح نمو 3.65 فیصد مقرر کی گئی ہے، جبکہ اس سے قبل ابتدائی تخمینہ 3.70 فیصد لگایا گیا تھا۔کمیٹی کی رپورٹ کے مطابق ملکی معیشت کا حجم 450 ارب 40 کروڑ ڈالر تک پہنچ گیا، جبکہ فی کس آمدن 1,896 ڈالر ریکارڈ کی گئی۔ پاکستانی کرنسی میں مالی سال 2025-26 کے دوران معیشت کا حجم 126.4 کھرب روپے اور فی کس آمدن 5 لاکھ 31 ہزار 897 روپے رہی۔رپورٹ میں بتایا گیا کہ مالی سال 2025-26 کے دوران زرعی شعبے کی شرح نمو 3.50 فیصد، خدمات کے شعبے کی 3.81 فیصد اور صنعتی شعبے کی شرح نمو 3.34 فیصد ریکارڈ کی گئی۔نیشنل اکاؤنٹس کمیٹی کے اعداد و شمار کے مطابق مالی سال کی پہلی سہ ماہی میں معاشی ترقی کی شرح 3.89 فیصد، دوسری سہ ماہی میں 4.31 فیصد اور تیسری سہ ماہی میں 4.42 فیصد رہی۔تاہم مالی سال 2025-26 کی آخری سہ ماہی میں معاشی ترقی کی رفتار نمایاں طور پر سست ہوئی اور شرح نمو کم ہو کر 2 فیصد رہ گئی۔
