پشاور( سپورٹس ڈیسک)پشاور میں جاری قومی ٹی ٹونٹی کپ میں کراچی وائٹس اور لاہور وائٹس نے بالترتیب چھ اور پانچ پوائنٹس حاصل کر کے سیمی فائنلز کے لیے کوالیفائی کر لیا ہے۔ٹورنامنٹ کے شیڈول کے مطابق پہلے میچ میں لاہور وائٹس اور کراچی وائٹس کے درمیان مقابلہ ہونا تھا جبکہ دوسرے میچ میں پشاور اور بہاولپور کی ٹیمیں آمنے سامنے آئیں گی۔آج گروپ بی کے میچوں کے بعد سیمی فائنل کے لیے مزید دو ٹیموں کا فیصلہ بھی ہو جائے گا۔ آج کے میچز میں ایبٹ آباد کی ٹیم لاہور بلیوز کے خلاف کھیلے گی جبکہ سیالکوٹ اور ملتان کی ٹیمیں بھی ایک دوسرے کے مدمقابل ہوں گی۔ان مقابلوں کے نتائج کے بعد قومی ٹی ٹونٹی کپ کے سیمی فائنلز کی چاروں ٹیمیں مکمل ہو جائیں گی۔
