کراچی( کامرس ڈیسک) پاکستان اسٹاک ایکسچینج کی ہفتہ وار رپورٹ جاری کردی گئی، جس کے مطابق کاروباری ہفتے کے دوران حصص بازار میں منفی رجحان دیکھا گیا۔رپورٹ کے مطابق رواں ہفتے 100 اشاریہ 2 ہزار 367 پوائنٹس کم ہوکر 1 لاکھ 75 ہزار 328 پوائنٹس پر بند ہوا۔کاروباری ہفتے کے دوران 100 اشاریہ 3 ہزار 623 پوائنٹس کے درمیان اتار چڑھاؤ کا شکار رہا۔ اس کی ہفتہ وار بلند ترین سطح 1 لاکھ 78 ہزار 138 پوائنٹس جبکہ کم ترین سطح 1 لاکھ 74 ہزار 515 پوائنٹس ریکارڈ کی گئی۔رپورٹ کے مطابق ہفتے کے دوران حصص بازار میں 3 ارب 80 کروڑ حصص کے سودے ہوئے، جن کی مجموعی مالیت 166 ارب روپے رہی۔دوسری جانب حصص بازار کی مجموعی مالیت میں بھی کمی ریکارڈ کی گئی۔ ہفتے کے دوران مارکیٹ کیپٹلائزیشن 256 ارب روپے کم ہوکر 19 ہزار 629 ارب روپے رہ گئی۔
