کھٹمنڈو( مانیٹرنگ ڈیسک) نیپال میں آنے والے شدید سیلاب نے بڑے پیمانے پر تباہی مچادی ہے، وزارتِ تعلیم کے مطابق سب سے زیادہ متاثرہ 3 اضلاع میں کم از کم 19 تعلیمی ادارے متاثر ہوئے ہیں جبکہ 200 سے زائد طلبہ کے لاپتا ہونے کی اطلاعات ہیں۔وزارتِ تعلیم و کھیل کی تازہ رپورٹ میں بتایا گیا ہے کہ 9 اسکول مکمل طور پر تباہ ہوچکے ہیں جبکہ 7 کو جزوی نقصان پہنچا ہے۔ متعدد تعلیمی اداروں سے طلبہ اور اساتذہ کے لاپتا ہونے کی اطلاعات بھی موصول ہوئی ہیں۔حکام کے مطابق تقریباً 20 طلبہ سیلابی ریلے میں بہہ گئے، جبکہ راسووا اور نواکوٹ اضلاع کے اسکول سیلاب سے سب سے زیادہ متاثر ہوئے ہیں۔
