نیپال( مانیٹرنگ ڈیسک)نیپال نے 28 اگست 2026 کو ایک بار پھر شدید سیلاب کا انتباہ جاری کردیا ہے، جبکہ ملک 26 اگست کی تباہی سے ابھی پوری طرح باہر نہیں نکل سکا۔رپورٹس کے مطابق نیپال اور چین کی سرحد کے قریب تبت میں زمینی تودے گرنے سے بننے والی ایک بڑی جھیل میں پانی کی سطح مسلسل بلند ہورہی ہے۔ جھیل میں 25 لاکھ مکعب میٹر سے زائد پانی موجود ہے اور اس کے لبریز ہونے کی صورت میں دریاؤں میں دوبارہ خطرناک سیلاب آسکتا ہے۔تبت کی جانب ایک بند دوبارہ ٹوٹنے کی اطلاع کے بعد نیپالی پولیس نے بھوٹے کوشی، تریشولی اور نارایانی دریاؤں کے اطراف ہنگامی الرٹ جاری کردیا۔ راسووا اور نوواکوت سمیت متاثرہ علاقوں کے رہائشیوں اور امدادی اہلکاروں کو محفوظ مقامات پر منتقل ہونے کی ہدایت کی گئی ہے۔26 اگست کے سیلاب میں اب تک کم از کم 470 افراد ہلاک اور 1400 سے زائد لاپتا ہیں۔ نئے سیلاب کے خدشے نے امدادی اور تلاش کی سرگرمیوں کو مزید متاثر کردیا ہے، جبکہ چین نے بھی جھیل کے ممکنہ پھٹنے کے خطرے سے خبردار کیا ہے۔
