نیتن یاہو نے سا بق امریکی صدر کو بھی ایران پر حملے پر اکسایا تھا: امریکی عہدیدار

وا شنگٹن( مانیٹرنگ ڈیسک)ایک سابق امریکی عہدیدار نے انکشاف کیا ہے کہ بینجمن نیتن یاہو مختلف ادوار میں امریکا کے صدور سے ایران پر فوجی حملے کی درخواست کرتے رہے ہیں۔میڈیا رپورٹس کے مطابق سابق وائٹ ہاؤس عہدیدار نے بتایا کہ نیتن یاہو نے بل کلنٹن، جارج بش، باراک اوباما اور جو بائیڈن سے بھی اس حوالے سے رابطے کیے۔عہدیدار کے مطابق اسرائیل طویل عرصے سے ایران کے جوہری پروگرام کو اپنے لیے بڑا خطرہ سمجھتا رہا ہے، جس کے باعث نیتن یاہو امریکا پر مسلسل دباؤ ڈالتے رہے کہ وہ فوجی کارروائی کرے۔تاہم مختلف امریکی صدور نے براہ راست حملے سے گریز کیا کیونکہ اس سے مشرق وسطیٰ میں بڑی جنگ چھڑنے، عالمی معیشت متاثر ہونے اور تیل کی فراہمی میں خلل کا خدشہ تھا۔سابق امریکی قیادت نے اس کے بجائے سفارتی حل کو ترجیح دی، جس میں ایران کے ساتھ جوہری معاہدے جیسے اقدامات شامل تھے تاکہ کشیدگی کو کم کیا جا سکے۔