کیلیفورنیا( ویب ڈیسک)اسمارٹ فون استعمال کرنے والے افراد کے لیے بیٹری چارج کرنا روزمرہ کا لازمی عمل ہے۔ عام طور پر فون کو مکمل چارج ہونے میں 30 منٹ سے کئی گھنٹے لگ سکتے ہیں، جس کا انحصار بیٹری کی تیز رفتار چارجنگ کی صلاحیت پر ہوتا ہے۔تاہم آسٹریلیا کی فلینڈرز یونیورسٹی کے محققین نے ایسی نئی بیٹری تیار کی ہے جسے مکمل طور پر چارج ہونے میں صرف 3 منٹ لگیں گے اور اسے طویل عرصے تک استعمال بھی کیا جاسکے گا۔محققین کے مطابق نئی بیٹری کو تقریباً 60 ہزار مرتبہ مکمل چارج کیا جاسکتا ہے، جو موجودہ بیٹری ٹیکنالوجی کے مقابلے میں نمایاں پیش رفت ہے۔اس نئی بیٹری میں زنک اور آیوڈین پر مبنی مختلف ٹیکنالوجی استعمال کی گئی ہے، جبکہ اس کی ایک اہم خصوصیت یہ بھی ہے کہ اس میں آگ لگنے کا خطرہ نہیں ہوتا۔فی الحال اسمارٹ فونز میں عموماً لیتھیم آئن بیٹریاں استعمال کی جاتی ہیں، جن میں دو بنیادی تہیں شامل ہوتی ہیں۔ ان میں ایک لیتھیم کوبالٹ آکسائیڈ اور دوسری گریفائٹ پر مشتمل ہوتی ہے۔
