اسلام آباد( کامرس ڈیسک) وزارت خزانہ نے مالی سال 2026-27 کے لیے دیت کی نئی مالیت کا اعلان کر دیا ہے، جس کے مطابق دیت کی رقم ایک کروڑ 93 لاکھ 52 ہزار 390 روپے مقرر کی گئی ہے۔وزارت خزانہ کے جاری کردہ نوٹیفکیشن کے مطابق پاکستان پینل کوڈ کی دفعہ 323 کے تحت دیت کی مالیت 30 ہزار 630 گرام چاندی کی موجودہ قیمت کے برابر مقرر کی گئی ہے۔حکام کے مطابق گزشتہ مالی سال 2025-26 میں دیت کی رقم 98 لاکھ 28 ہزار 670 روپے مقرر تھی، جبکہ نئے مالی سال میں اس میں 95 لاکھ 23 ہزار 720 روپے کا اضافہ کیا گیا ہے۔وزارت خزانہ کا کہنا ہے کہ دیت کی رقم کا تعین قانون کے مطابق چاندی کی مقررہ مقدار کی قیمت کی بنیاد پر کیا جاتا ہے، جس کے بعد ہر مالی سال کے آغاز پر اس حوالے سے باقاعدہ نوٹیفکیشن جاری کیا جاتا ہے۔
