شمالی وزیرستان( پاکستان خبر) خیبر پختونخوا کے ضلع شمالی وزیرستان میں امن و امان کی موجودہ صورتحال کے پیش نظر ضلعی انتظامیہ نے رات کے اوقات میں عوامی آمدورفت محدود کرنے کا فیصلہ کیا ہے۔ضلعی انتظامیہ کے مطابق 10 اگست 2026ء سے روزانہ رات 10 بجے سے صبح 6 بجے تک غیر ضروری عوامی نقل و حرکت پر پابندی ہوگی۔انتظامیہ نے شہریوں سے اپیل کی ہے کہ مقررہ اوقات کے دوران غیر ضروری طور پر گھروں سے باہر نکلنے سے گریز کریں اور جاری کردہ احکامات پر مکمل عمل درآمد کریں۔ضلعی انتظامیہ کا کہنا ہے کہ رات کے وقت آمدورفت محدود کرنے کا مقصد علاقے میں امن و امان برقرار رکھنا اور سکیورٹی کی صورتحال کو مزید بہتر بنانا ہے، جس کے لیے عوام کا تعاون ضروری ہے۔
