ایران امریکا مذاکرات کی افواہیں، عالمی منڈی میں تیل کی قیمتیں بڑھ گئیں

 اسلام آباد( کامرس ڈیسک)ایران اور امریکا کے درمیان مذاکرات سے متعلق قیاس آرائیوں کے باعث عالمی منڈی میں خام تیل کی قیمتوں میں اضافہ ریکارڈ کیا گیا ہے۔غیر ملکی میڈیا کے مطابق برینٹ خام تیل کی قیمت 81 ڈالر 27 سینٹ فی بیرل تک پہنچ گئی ہے۔ اسی طرح امریکی خام تیل (ڈبلیو ٹی آئی) کی قیمت بھی بڑھ کر 77 ڈالر فی بیرل ہو گئی۔گزشتہ دنوں عالمی منڈی میں دونوں اقسام کے خام تیل کی قیمتیں معمولی کمی کے ساتھ مستحکم رہی تھیں، تاہم حالیہ سیاسی قیاس آرائیوں کے بعد مارکیٹ میں دوبارہ اتار چڑھاؤ دیکھنے میں آیا ہے۔