آئی ایم ایف کی ترجیحات کے باوجود اقتصادی گورننس کے 19 میں سے صرف 4 اقدامات مکمل

 اسلام آباد( کامرس ڈیسک) آئی ایم ایف اور وزیراعظم شہباز شریف کی جانب سے اقتصادی گورننس میں بہتری کو ترجیح دیے جانے کے باوجود حکومت جون 2026 تک مقرر کردہ 19 اقدامات میں سے صرف 4 مکمل کرسکی۔اقتصادی گورننس سسٹمز کمیٹی کے اجلاس میں بتایا گیا کہ 12 اقدامات پر جزوی پیش رفت ہوئی جبکہ 3 تاخیر کا شکار ہیں۔ وزیر منصوبہ بندی احسن اقبال نے عملدرآمد تیز کرنے کی ہدایت کردی۔آئی ایم ایف کی پاکستان گورننس اور کرپشن ڈائیگناسٹک رپورٹ میں بھی ملکی اقتصادی گورننس کے نظام میں سنگین خامیوں کی نشاندہی کی گئی تھی۔حکومت نے اقتصادی گورننس بہتر بنانے کیلئے 3 سال میں 59 ترجیحی اور 83 تکمیلی اقدامات مکمل کرنے کا منصوبہ بنایا ہے، جن میں قواعد و ضوابط میں اصلاحات اور رپورٹس کی اشاعت بھی شامل ہے۔