راولپنڈی( سپورٹس ڈیسک) پاکستان اور آسٹریلیا کے درمیان ایک روزہ کرکٹ سیریز کی ٹرافی کی باقاعدہ رونمائی کر دی گئی۔تقریب کے دوران دونوں ٹیموں کے کپتانوں نے ٹرافی کے ساتھ یادگاری تصاویر بنوائیں۔ شائقین کرکٹ کی نظریں اب سیریز کے پہلے مقابلے پر مرکوز ہیں جو کل راولپنڈی کرکٹ اسٹیڈیم میں کھیلا جائے گا۔آسٹریلیا کی ٹیم تین میچوں پر مشتمل ایک روزہ سیریز کھیلنے کے لیے پاکستان میں موجود ہے۔ سیریز کا آغاز راولپنڈی میں ہوگا جبکہ باقی دو میچز لاہور میں کھیلے جائیں گے۔دوسرا میچ 2 جون جبکہ تیسرا اور آخری میچ 4 جون کو قذافی اسٹیڈیم میں منعقد ہوگا۔سیریز کے آغاز سے قبل دونوں ٹیمیں آج راولپنڈی کرکٹ اسٹیڈیم میں پریکٹس سیشن میں حصہ لیں گی تاکہ اہم مقابلوں کے لیے بھرپور تیاری مکمل کی جا سکے۔دریں اثنا آسٹریلوی ٹیم نے اپنے سکواڈ میں تبدیلی کرتے ہوئے مچل مارش کی جگہ کوپر کونولی کو شامل کر لیا ہے۔کرکٹ شائقین کو امید ہے کہ دونوں مضبوط ٹیموں کے درمیان یہ سیریز دلچسپ اور سنسنی خیز مقابلوں سے بھرپور ہوگی۔
پاکستان اور آسٹریلیا ایک روزہ سیریز کی ٹرافی کی رونمائی، پہلا مقابلہ کل ہو گا
واپس خبروں پر
Category:
کھیل