لاہور ( سپورٹس ڈیسک) پاکستان اور آسٹریلیا کی کرکٹ ٹیمیں ایک روزہ سیریز کے دوسرے میچ کی تیاریوں کے لیے اسلام آباد سے لاہور پہنچ گئی ہیں۔دونوں ٹیمیں کل قذافی اسٹیڈیم میں تربیتی سیشن میں حصہ لیں گی، جہاں دوسرے ایک روزہ میچ کے لیے اپنی تیاریوں کو حتمی شکل دی جائے گی۔پاکستان اور آسٹریلیا کے درمیان سیریز کا دوسرا ایک روزہ مقابلہ 2 جون کو قذافی اسٹیڈیم لاہور میں کھیلا جائے گا، جبکہ تیسرا اور آخری میچ 4 جون کو اسی میدان میں منعقد ہوگا۔سیریز کے ابتدائی میچ میں پاکستان نے آسٹریلیا کو 5 وکٹوں سے شکست دے کر تین میچوں کی سیریز میں ایک صفر کی برتری حاصل کر رکھی ہے۔دوسرے اور تیسرے میچ کے ٹکٹس فروخت کے لیے دستیاب ہیں، جبکہ لاہور میں ہونے والے دونوں مقابلوں کے حوالے سے شائقین کرکٹ میں خاصا جوش و خروش پایا جا رہا ہے۔
