پاکستان-چین صنعتی تعاون نئے مرحلے میں، چینی قونصل جنرل کا لاہور چیمبر کا دورہ

اسلام آباد( کامرس ڈیسک) ایس آئی ایف سی پاکستان اقتصادی اور صنعتی شعبوں میں تعاون کو فروغ دینے میں کلیدی کردار ادا کر رہی ہے۔پاکستان اور چین کی صنعت، زراعت اور معدنی وسائل کے شعبوں میں شراکت داری نئے مرحلے میں داخل ہو چکی ہے، جس سے دونوں ممالک کے تجارتی تعلقات مزید مضبوط ہونے کی توقع ہے۔حال ہی میں چینی قونصل جنرل سن یان نے لاہور چیمبر آف کامرس اینڈ انڈسٹری کا اہم دورہ کیا۔ لاہور چیمبر کے صدر فہیم الرحمٰن سہگل نے اس دورے کو خوش آئند قرار دیتے ہوئے کہا کہ یہ ملاقات دونوں ممالک کے تجارتی اور صنعتی تعلقات کو فروغ دینے کے لیے مثبت پیش رفت ہے۔انہوں نے مزید کہا کہ اس طرح کے اقدامات نہ صرف کاروباری شعبے کو فائدہ پہنچائیں گے بلکہ خطے میں اقتصادی ترقی کے مواقع بھی بڑھائیں گے۔