اسلام آباد( کامرس ڈیسک) حکومت نے ایشیائی ترقیاتی بینک (اے ڈی بی) میں پاکستان کے نئے ایگزیکٹو ڈائریکٹر کی تقرری کے لیے تین افسران پر مشتمل فائنل پینل تشکیل دے دیا ہے۔ذرائع کے مطابق نائب وزیراعظم اسحاق ڈار نے پاکستان ایڈمنسٹریٹو سروس کے تین افسران کے نام شارٹ لسٹ کیے ہیں، جن میں دو خواتین بھی شامل ہیں۔اہم امیدواروں میں گریڈ 22 کی افسر سارہ سعید سرِفہرست ہیں، جو اس وقت اسٹیبلشمنٹ ڈویژن میں بطور اسپیشل سیکریٹری خدمات انجام دے رہی ہیں۔ دیگر امیدواروں میں سابق سیکریٹری خزانہ اور موجودہ سیکریٹری صحت حامدی یعقوب شیخ شامل ہیں۔ذرائع کا کہنا ہے کہ اگر حامدی یعقوب کو منیلا نہ بھیجا گیا تو انہیں سیکریٹری پیٹرولیم کے عہدے پر تعینات کیا جا سکتا ہے۔
