اسلام آباد( کامرس ڈیسک) پاکستان اور عالمی مالیاتی فنڈ (آئی ایم ایف) کے درمیان مذاکرات 23 ستمبر سے شروع ہونے کا امکان ہے۔ذرائع کے مطابق 7 ارب ڈالر سے زائد کے توسیعی فنڈ سہولت پروگرام کے چوتھے جائزے اور ایک ارب 40 کروڑ ڈالر کے موسمیاتی تبدیلی سے متعلق آر ایس ایف پروگرام کے تیسرے جائزے کے لیے دونوں فریقوں کے درمیان بیک وقت مذاکرات ہوں گے۔مذاکرات کے دوران گزشتہ مالی سال 2025-26 کی دوسری ششماہی، یعنی جنوری سے جون 2026 تک کی کارکردگی کا جائزہ لیا جائے گا۔
