اسلام آباد( کامرس ڈیسک) ملک میں ایک ہفتے کے دوران پیٹرولیم مصنوعات کی قیمتوں میں ریکارڈ اضافہ دیکھنے میں آیا ہے، جہاں قیمتیں 60 روپے فی لیٹر تک بڑھ گئی ہیں۔تفصیلات کے مطابق نئے ہفتے کا آغاز ہو چکا ہے جبکہ عالمی منڈی میں پیٹرولیم مصنوعات کی قیمتوں میں کمی ریکارڈ کی گئی ہے۔ دو روز کے وقفے کے بعد پیٹرولیم مصنوعات کی قیمتوں کے روزانہ تعین کا عمل بھی دوبارہ شروع ہو گیا ہے۔عالمی مارکیٹ میں خام تیل کی قیمتوں میں 5 فیصد تک کمی دیکھی گئی ہے، جس کے بعد آئل اینڈ گیس ریگولیٹری اتھارٹی (اوگرا) عالمی قیمتوں کے تناسب سے نئی قیمتوں کا تعین کرے گی۔حکام کے مطابق نئی قیمتوں کا اعلان عالمی مارکیٹ کے رجحانات اور دیگر متعلقہ عوامل کو مدنظر رکھتے ہوئے کیا جائے گا۔
