اسلام آباد( ویب ڈیسک)پاکستان میں 5G کی اوسط ڈاؤن لوڈ سپیڈ 127.74 ایم بی پی ایس ریکارڈ کی گئی ہے، جو 4G کے مقابلے میں تقریباً 6.8 گنا زیادہ ہے۔ پی ٹی اے اور اوپن سگنل کی 2026 کی دوسری سہ ماہی کی رپورٹ کے مطابق 5G کی قومی اوسط اپ لوڈ سپیڈ 12.7 ایم بی پی ایس رہی، جبکہ 4G کی ڈاؤن لوڈ سپیڈ 18.9 ایم بی پی ایس ریکارڈ ہوئی۔ رپورٹ 20 شہروں میں 90 روز کے حقیقی صارفین کے ڈیٹا پر مبنی ہے، تاہم پی ٹی اے نے واضح کیا کہ 5G کے نتائج ابتدائی ہیں کیونکہ ملک میں اس کی کوریج اور صارفین کی تعداد ابھی محدود ہے۔
