اسلام آباد( کامرس ڈیسک) مشرق وسطیٰ میں جنگ سے پیدا ہونے والی صورتحال کے تناظر میں پاکستان نے سعودی عرب سے طویل المعیاد اقتصادی تعاون کے لیے اہم اقدامات کیے ہیں۔ذرائع کے مطابق پاکستان نے سعودی عرب کو اقتصادی تعاون کی آٹھ درخواستیں ارسال کی ہیں، جن میں موجودہ پانچ ارب ڈالر کے ذخائر کو دس سالہ طویل مدتی سہولت میں تبدیل کرنے کی تجویز بھی شامل ہے۔اس کے علاوہ پاکستان نے سعودی حکومت سے ڈیفرڈ ادائیگی کے تحت تیل کی سہولت کو 1.2 ارب ڈالر سے بڑھا کر پانچ ارب ڈالر کرنے کی درخواست کی ہے تاکہ توانائی کی ضروریات اور مالی استحکام کو یقینی بنایا جا سکے۔
