کراچی( کامرس ڈیسک)پاکستان اسٹاک ایکسچینج میں کاروباری ہفتے کے دوران منفی رجحان رہا اور 100 انڈیکس 1066 پوائنٹس کی کمی کے بعد ایک لاکھ 67 ہزار 89 پوائنٹس پر بند ہوا۔کاروباری ہفتے کے دوران 100 انڈیکس 3834 پوائنٹس کے بینڈ میں رہا۔ اس کی ہفتہ وار بلند ترین سطح ایک لاکھ 69 ہزار 486 پوائنٹس جبکہ کم ترین سطح ایک لاکھ 65 ہزار 651 پوائنٹس ریکارڈ کی گئی۔ہفتے بھر میں بازار حصص میں 2 ارب 13 کروڑ شیئرز کے سودے 90 ارب روپے میں طے پائے۔دوسری جانب اسٹاک ایکسچینج کی مجموعی مالیت میں 156 ارب روپے کی کمی ہوئی، جس کے بعد مارکیٹ کیپٹلائزیشن کم ہو کر 18 ہزار 569 ارب روپے رہ گئی۔
