کراچی( کامرس ڈیسک) پاکستان اسٹاک مارکیٹ میں کاروبار کے دوران منفی رجحان کا سلسلہ جاری ہے۔کاروباری ہفتے کے تیسرے روز کاروبار کے آغاز پر اسٹاک ایکسچینج میں شدید مندی دیکھنے میں آئی، 1700 سے زائد پوائنٹس کی کمی کے بعد پاکستان اسٹاک مارکیٹ میں ہنڈرڈ انڈیکس ایک لاکھ 74 ہزار 701 پوائنٹس کی سطح پر آگیا۔واضح رہے کہ گزشتہ کاروباری روز کے اختتام پر اسٹاک ایکسچینج میں ہنڈرڈ انڈیکس 508 پوائنٹس کی کمی کے ساتھ ایک لاکھ 76 ہزار 466 پوائنٹس کی سطح پر بند ہوا تھا۔
