ایران مذاکرات کی خبر پر اسٹاک مارکیٹ میں تیزی، ہنڈرڈ انڈیکس 2700 پوائنٹس بڑھ گیا

کراچی( کامر س ڈیسک) امریکی صدر ڈونلڈ ٹرمپ کی جانب سے ایران کے ساتھ مذاکرات شروع کرنے کے اعلان کے بعد پاکستان اسٹاک ایکسچینج میں کاروباری سرگرمیوں کے دوران زبردست تیزی دیکھنے میں آئی۔کاروباری ہفتے کے پہلے روز مارکیٹ کے آغاز پر ہنڈرڈ انڈیکس میں 2700 سے زائد پوائنٹس کا اضافہ ریکارڈ کیا گیا، جس کے بعد انڈیکس ایک لاکھ 78 ہزار 985 پوائنٹس کی سطح پر پہنچ گیا۔واضح رہے کہ گزشتہ کاروباری ہفتے کے آخری روز پاکستان اسٹاک ایکسچینج کا ہنڈرڈ انڈیکس ایک لاکھ 76 ہزار 94 پوائنٹس پر بند ہوا تھا۔ماہرین کے مطابق عالمی سطح پر کشیدگی میں کمی اور مذاکراتی پیش رفت کی خبروں نے سرمایہ کاروں کے اعتماد میں اضافہ کیا، جس کے باعث مارکیٹ میں مثبت رجحان دیکھا گیا۔