اسلام آباد( پاکستان خبر)پاکستان سمیت دنیا بھر میں ہر سال 5 فروری کو یوم یکجہتی کشمیر منایا جاتا ہے تاکہ بھارتی تسلط کے خلاف کشمیری عوام کے حق خود ارادیت کے لیے یکجہتی کا پیغام دیا جا سکے۔فیلڈ مارشل سید عاصم منیر نے ایک سال قبل یوم یکجہتی کشمیر کے موقع پر مظفرآباد میں کشمیر کے معاملے پر پاکستان کا موقف واضح کرتے ہوئے بھارت کو دو ٹوک پیغام دیا تھا کہ پاکستان اس کی عددی برتری کے دباؤ میں نہیں آئے گا۔انہوں نے کہا کہ پاکستان کشمیر کے حق کے لیے مزید 10 جنگیں لڑنے سے بھی دریغ نہیں کرے گا۔ فیلڈ مارشل سید عاصم منیر کی قیادت میں پاکستانی افواج کی بھارتی جارحیت کے جواب میں حاصل کردہ شاندار فتح کو دنیا بھر نے تسلیم کیا۔
