پاکستان کی سفارتی کوششیں، ایران سے امریکا کے درمیان جنگ بندی پر بات چیت

اسلام آباد(پاکستان خبر)امریکا اور ایران کے درمیان ممکنہ اور پائیدار جنگ بندی کے لیے پاکستان کی سفارتی کوششیں جاری ہیں، جس کے تحت اعلیٰ سطحی ملاقاتوں کا سلسلہ بھی جاری ہے۔اسلام آباد کے مطابق وزیرِ داخلہ محسن نقوی نے تہران میں ایران کے وزیرِ خارجہ عباس عراقچی سے ملاقات کی۔ اس ملاقات میں خطے کی مجموعی صورتحال اور کشیدگی میں کمی کے امکانات پر تبادلہ خیال کیا گیا۔اس موقع پر وزیرِ داخلہ نے ایرانی قیادت تک سپریم لیڈر کے لیے فیلڈ مارشل سید عاصم منیر کا خصوصی خط اور وزیرِ اعظم شہباز شریف کا پیغام بھی پہنچایا۔اس سے قبل محسن نقوی نے اپنے ایرانی ہم منصب اسکندر مومنی سے بھی ملاقات کی، جس میں باہمی دلچسپی کے امور اور خطے میں امن و استحکام کے حوالے سے گفتگو کی گئی۔پاکستان کی جانب سے ان سفارتی کوششوں کا مقصد خطے میں جاری کشیدگی میں کمی لانا اور فریقین کے درمیان بات چیت کے عمل کو فروغ دینا بتایا جا رہا ہے۔