اسلام آباد( کامرس ڈیسک)پاکستان کا تجارتی خسارہ رواں مالی سال کی پہلی سہ ماہی کے دوران 15.13 فیصد اضافے کے بعد 10 ارب 79 کروڑ 20 لاکھ ڈالر تک پہنچ گیا۔وفاقی ادارہ شماریات کے جاری کردہ تجارتی اعداد و شمار کے مطابق جولائی سے ستمبر کے دوران ملکی درآمدات میں 13.21 فیصد اضافہ ریکارڈ کیا گیا۔اعداد و شمار کے مطابق اسی عرصے میں برآمدات بھی 10.84 فیصد بڑھیں، تاہم درآمدات میں نسبتاً زیادہ اضافے کے باعث تجارتی خسارہ مزید بڑھ گیا۔رپورٹ کے مطابق برآمدات میں اضافے کے باوجود درآمدی حجم زیادہ رہنے کی وجہ سے رواں مالی سال کی پہلی سہ ماہی میں تجارتی توازن پر دباؤ برقرار رہا۔
