پی سی بی نے کھلاڑیوں کو متنازعہ سوشل میڈیا پوسٹس سے روکتے ہوئے سخت ہدایات جاری کر دیں

 لاہورر( سپورٹس ڈیسک) پاکستان کرکٹ بورڈ پی سی بی نے کھلاڑیوں کو واضح کر دیا ہے کہ متنازعہ سوشل میڈیا پوسٹ کسی صورت قابل قبول نہیں ہے۔ذرائع کے مطابق سینٹرل کنٹریکٹ پالیسی پر سختی سے عمل درآمد کی ہدایات جاری کی گئی ہیں، اور سینٹرل کنٹریک یافتہ کرکٹرز کو پابند کیا گیا ہے کہ سوشل میڈیا پر کوئی بھی پوسٹ پی سی بی میڈیا ڈیپارٹمنٹ کی منظوری کے بعد ہی کی جائے، بصورت دیگر سخت ایکشن لیا جائے گا۔نسیم شاہ کی حالیہ متنازعہ پوسٹ کے بعد، پی سی بی نے کھلاڑیوں کے مینجرز کو بھی میڈیا پالیسی دوبارہ بھجوائی اور کہا کہ کسی بھی قسم کی متنازعہ پوسٹ برداشت نہیں کی جائے گی۔میڈیا پالیسی کی خلاف ورزی پر نسیم شاہ پر دو کروڑ روپے کا جرمانہ عائد کیا گیا اور انہیں اس پوسٹ پر معافی بھی مانگنی پڑی۔ تمام کرکٹرز نے پی سی بی حکام کو یقین دہانی کرائی ہے کہ وہ میڈیا پالیسی پر مکمل عمل کریں گے۔