لیما( مانیٹرنگ ڈیسک) پیرو نے ال نینو مظہر سے منسلک شدید بارشوں اور ممکنہ تباہی کے خطرے کے پیش نظر 22 خطوں اور تقریباً 800 اضلاع میں 60 روز کے لیے ایمرجنسی نافذ کر دی ہے۔میڈیا رپورٹس کے مطابق یہ اقدام سبکدوش ہونے والے صدر جوز ماریا بالکازر کے دستخط شدہ حکم نامے کے تحت کیا گیا ہے۔ حکام کے مطابق موسمی پیش گوئیوں سے ظاہر ہوتا ہے کہ ال نینو کا قدرتی رجحان 2027 کے موسم گرما تک جاری رہ سکتا ہے، جس دوران شدید بارشوں اور سیلابی صورتحال کا خدشہ ہے۔ایمرجنسی کا اطلاق 22 علاقوں کے 796 اضلاع پر ہوگا، جن میں لیما، پیورا، لا لیبرٹاد، لوریٹو اور آئینی صوبہ کالاؤ شامل ہیں۔حکم نامے کے مطابق علاقائی اور مقامی انتظامیہ نیشنل انسٹی ٹیوٹ آف سول ڈیفنس کی نگرانی میں ہنگامی اقدامات، خطرے میں کمی اور بحالی کے اقدامات پر عمل درآمد کریں گی۔
