کراچی( سپورٹس ڈیسک) پاکستان سپر لیگ کے گیارہویں ایڈیشن کے 23ویں میچ میں پشاور زلمی نے کوئٹہ گلیڈی ایٹرز کو یکطرفہ مقابلے کے بعد 8 وکٹوں سے شکست دے دی۔کوئٹہ گلیڈی ایٹرز نے پہلے بیٹنگ کرتے ہوئے مقررہ اوورز میں 154 رنز بنائے، حسن نواز 37 رنز کے ساتھ نمایاں رہے جبکہ ریلی روسوو نے 26 اور خواجہ نافع نے 20 رنز کی اننگز کھیلی۔پشاور زلمی کی جانب سے محمد باسط اور سفیان مقیم نے تین، تین کھلاڑیوں کو آؤٹ کیا جبکہ افتخار احمد نے ایک وکٹ حاصل کی۔ہدف کے تعاقب میں پشاور زلمی نے شاندار بیٹنگ کا مظاہرہ کرتے ہوئے 155 رنز کا ہدف 18 اعشاریہ 3 اوورز میں حاصل کر لیا، بابر اعظم 71 رنز بنا کر نمایاں رہے جبکہ محمد حارث نے 35 اور کوشل مینڈس نے 21 رنز اسکور کیے۔کوئٹہ گلیڈی ایٹرز کی جانب سے الزاری جوزف اور سعود شکیل نے ایک، ایک وکٹ حاصل کی۔
