27ویں آئینی ترمیم کے خلاف درخواست، سپریم کورٹ رجسٹرار آفس کا وصولی سے انکار

اسلام آباد( پاکستان خبر) سپریم کورٹ رجسٹرار آفس نے 27ویں آئینی ترمیم کے خلاف درخواست وصول کرنے سے انکار کرتے ہوئے مؤقف اختیار کیا ہے کہ اس نوعیت کی درخواستیں وفاقی آئینی عدالت میں دائر کی جاسکتی ہیں۔جسٹس (ر) شبر رضا رضوی نے ترمیم کو چیلنج کرتے ہوئے مؤقف اختیار کیا تھا کہ موجودہ پارلیمان دستور ساز اسمبلی نہیں، جبکہ آئین کے بنیادی خدوخال میں تبدیلی نہیں کی جاسکتی۔ درخواست میں عدلیہ کی آزادی، ججز کی تعیناتی اور آئین کے آرٹیکل 248 کے تحت تاحیات استثنیٰ پر بھی اعتراضات اٹھائے گئے تھے۔درخواست گزار نے سپریم کورٹ سے 27ویں آئینی ترمیم کو کالعدم قرار دینے اور تاحیات استثنیٰ ختم کرنے کی استدعا کی تھی۔واضح رہے کہ سپریم کورٹ رجسٹرار آفس اس سے قبل بھی 27ویں آئینی ترمیم کے خلاف ایک درخواست وصول کرنے سے انکار کرچکا ہے۔