اسلام آباد( پاکستان خبر) بانی عمران خان کو اڈیالہ جیل سے منتقل کرنے کے لیے ایک اہم درخواست سپریم کورٹ میں دائر کردی گئی۔ نجی ٹی وی کے مطابق توشہ خانہ فوجداری کیس میں یہ متفرق درخواست سپریم کورٹ رولز 2025 کے رول 35 چھ کے تحت دائر کی گئی ہے۔درخواست میں استدعا کی گئی ہے کہ بانی چیئرمین پی ٹی آئی کو الشفاء انٹرنیشنل اسپتال اسلام آباد منتقل کیا جائے اور انہیں ذاتی معالجین تک رسائی اور فیملی کی موجودگی میں علاج کی سہولت دی جائے۔واضح رہے کہ سپریم کورٹ کا دو رکنی بینچ توشہ خانہ فوجداری کیس کی سماعت ہائیکورٹ کے حتمی فیصلے تک ملتوی کر چکا ہے۔
