اسلام آباد( کامرس ڈیسک)وزیراعظم کی جانب سے پیٹرولیم مصنوعات کی قیمتوں میں اضافے کی سمری مسترد کیے جانے کے بعد پیٹرولیم ڈویژن نے باضابطہ اعلامیہ جاری کردیا ہے۔تفصیلات کے مطابق وزیراعظم کے فیصلے کے تحت پیٹرول اور ڈیزل کی قیمتیں برقرار رکھنے کا حکم جاری کیا گیا جس کے بعد متعلقہ حکام نے اس فیصلے کو نافذ کرنے کیلئے اعلامیہ جاری کیا۔اعلامیے میں بتایا گیا ہے کہ آئندہ ایک ہفتے کیلئے ہائی اسپیڈ ڈیزل کی قیمت 335 روپے 86 پیسے فی لیٹر جبکہ پیٹرول کی قیمت 321 روپے 17 پیسے فی لیٹر کی سطح پر برقرار رہے گی۔مزید کہا گیا ہے کہ حکومت قیمتوں کے فرق کی ادائیگی خود کرے گی اور عالمی منڈی میں اضافے کا مالی بوجھ بھی برداشت کرے گی تاکہ عوام کو مزید مہنگائی سے بچایا جاسکے۔
