اسلام آباد( کامرس ڈیسک) وفاقی حکومت نے پٹرولیم مصنوعات کے نرخوں میں ایک مرتبہ پھر اضافے کا نوٹیفکیشن جاری کردیا۔پٹرولیم ڈویژن کے مطابق پٹرول کی قیمت میں 5 روپے 58 پیسے جبکہ ڈیزل کے نرخ میں 4 روپے 18 پیسے فی لٹر اضافہ کیا گیا ہے۔نئے اضافے کے بعد پٹرول کی فی لٹر قیمت 364 روپے 35 پیسے اور ڈیزل کی قیمت 385 روپے 95 پیسے مقرر ہوگئی ہے۔نوٹیفکیشن کے مطابق نئی قیمتوں کا اطلاق 9 ستمبر 2026 سے صرف ایک روز کے لیے ہوگا۔یاد رہے کہ حکومت نے گزشتہ روز بھی پٹرول کی قیمت میں 12 روپے 90 پیسے اور ڈیزل کے نرخ میں 3 روپے 72 پیسے فی لٹر اضافہ کیا تھا۔دوسری جانب پٹرولیم مصنوعات مہنگی ہونے پر شہریوں نے شدید ناراضی کا اظہار کیا ہے۔ عوام کا کہنا ہے کہ پہلے ہی مہنگائی نے مشکلات بڑھا رکھی ہیں، پٹرول مہنگا ہونے سے اشیائے ضروریہ سمیت دیگر چیزوں کی قیمتوں میں بھی اضافہ ہوگا اور عام آدمی کے لیے گھریلو اخراجات پورے کرنا مزید مشکل ہوجائے گا۔
