اسلام آباد( کامرس ڈیسک)آئل اینڈ گیس ریگولیٹری اتھارٹی نے پیٹرولیم مصنوعات کی قیمتوں میں کمی کردی۔ پیٹرولیم ڈویژن نے نئی قیمتوں کا نوٹیفکیشن جاری کردیا۔نوٹیفکیشن کے مطابق ہائی اسپیڈ ڈیزل کی قیمت میں 88 پیسے فی لیٹر کمی کے بعد نئی قیمت 424 روپے 4 پیسے مقرر کی گئی ہے، جبکہ پیٹرول ایک روپے 65 پیسے سستا ہونے کے بعد 389 روپے 14 پیسے فی لیٹر ہوگیا۔حکام کے مطابق عالمی منڈی میں قیمتوں، فریٹ، پریمیم اور دیگر متعلقہ اخراجات میں تبدیلی کے باعث پیٹرولیم مصنوعات کی قیمتوں میں ردوبدل کیا گیا ہے۔
