اسلام آباد( کامرس ڈیسک)اوگرا نے اگلے دو روز کے لیے پیٹرولیم مصنوعات کی قیمتوں میں کمی کردی، نئی قیمتوں کا اطلاق رات 12 بجے سے ہوگیا۔وزارت خزانہ کے مطابق اوگرا نے 10 اگست تک پیٹرولیم مصنوعات کی قیمتیں مقرر کی ہیں۔ نوٹیفکیشن کے تحت پیٹرول کی فی لیٹر قیمت میں 2 روپے 20 پیسے کمی کے بعد نئی قیمت 327 روپے 62 پیسے مقرر کی گئی ہے۔ہائی اسپیڈ ڈیزل بھی ایک روپے 50 پیسے فی لیٹر سستا کردیا گیا، جس کے بعد اس کی نئی قیمت 380 روپے 86 پیسے ہوگئی ہے۔وزارت پیٹرولیم کے مطابق ڈیزل پر پٹرولیم لیوی میں 81 پیسے اضافہ کیا گیا ہے، جس کے بعد لیوی 73 روپے 47 پیسے سے بڑھ کر 74 روپے 28 پیسے فی لیٹر ہوگئی، جبکہ پیٹرول پر لیوی 80 روپے فی لیٹر برقرار رکھی گئی ہے۔
