اسلام آباد( کامرس ڈیسک)حکومت نے پیٹرول کی قیمت میں کمی جبکہ ڈیزل کی قیمت میں اضافہ کردیا ہے، جس کے بعد پیٹرول اور ڈیزل کی نئی قیمتوں کا نوٹیفکیشن جاری کردیا گیا۔پیٹرولیم ڈویژن کی جانب سے جاری نوٹیفکیشن کے مطابق پیٹرول کی فی لیٹر قیمت میں 2 روپے 93 پیسے کمی کی گئی ہے، جس کے بعد اس کی نئی قیمت 395 روپے 37 پیسے فی لیٹر مقرر ہوگئی ہے۔نوٹیفکیشن کے مطابق ڈیزل کی قیمت میں فی لیٹر 61 پیسے اضافہ کیا گیا ہے، جس کے بعد ڈیزل کی نئی قیمت 396 روپے 85 پیسے فی لیٹر ہوگئی ہے۔ذرائع کے مطابق پیٹرولیم مصنوعات کی نئی قیمتوں کا اطلاق 13 اکتوبر کے لیے ہوگا۔
