پٹرولیم سپلائی مستحکم، عوام پر بوجھ کم رکھنے کی کوشش ہے:وزیر خزانہ کا اعلان

اسلام آباد ( کامرس ڈیسک) وزیر خزانہ محمد اورنگزیب نے کہا ہے کہ حکومت کی اولین ترجیح ملک میں پٹرولیم مصنوعات کی بلا تعطل فراہمی کو یقینی بنانا اور عوام پر ممکنہ حد تک بوجھ کم رکھنا ہے۔اپنی زیر صدارت پٹرولیم مصنوعات کی قیمتوں کی نگران کمیٹی کے وڈیو لنک اجلاس میں انہوں نے بتایا کہ عالمی مارکیٹ میں غیر یقینی صورتحال کے باوجود پاکستان میں پٹرولیم سپلائی مستحکم ہے۔ ان کے مطابق اس استحکام کی بنیادی وجہ بروقت منصوبہ بندی اور متعلقہ اداروں کے درمیان موثر رابطہ ہے۔اجلاس میں علاقائی کشیدگی، عالمی نرخوں میں اتار چڑھاؤ، ملکی ذخائر، درآمدی انتظامات اور سپلائی چین کی صورتحال کا تفصیلی جائزہ لیا گیا اور بریفنگ دی گئی۔