افریقا( سپورٹس ڈیسک)افریقن کرکٹ ایسوسی ایشن نے براعظم میں ٹی ٹوئنٹی طرز کا نیا کرکٹ کپ متعارف کرانے پر غور شروع کر دیا ہے، جس کا مقصد مالی وسائل پیدا کرنا اور کھیل کو فروغ دینا ہے۔ذرائع کے مطابق اس مجوزہ ٹورنامنٹ کے مختلف پہلوؤں پر غور جاری ہے، تاہم اس کے دو ہزار ستائیس سے پہلے شروع ہونے کا امکان کم ہے۔انتظامی سطح پر ٹورنامنٹ کے شیڈول اور ٹیموں کی شمولیت کے طریقہ کار جیسے اہم امور زیر غور ہیں تاکہ اسے مؤثر اور کامیاب بنایا جا سکے۔اس منصوبے میں جنوبی افریقا کی کرکٹ ٹیم کا کردار نہایت اہم قرار دیا جا رہا ہے کیونکہ اسے براعظم کی مضبوط ترین ٹیم سمجھا جاتا ہے، تاہم اس کی شرکت آئندہ بین الاقوامی مصروفیات کے شیڈول سے مشروط ہوگی۔
