نئی دہلی/پونے( مانیٹرنگ ڈیسک)بھارتی ریاست مہاراشٹرا میں ایک چارٹرڈ طیارہ کریش لینڈنگ کے دوران حادثے کا شکار ہو گیا، جس کے نتیجے میں مہاراشٹرا کے نائب وزیراعلیٰ اجیت پوار سمیت پانچ افراد ہلاک ہو گئے۔بھارتی میڈیا کے مطابق یہ حادثہ ضلع پونے کے علاقے بارہ متی میں پیش آیا۔ طیارے میں نائب وزیراعلیٰ اجیت پوار، ان کے دو ساتھی اور عملے کے دو ارکان سوار تھے۔ابتدائی اطلاعات کے مطابق طیارے میں موجود کوئی بھی شخص زندہ نہیں بچ سکا۔ حادثے کی وجوہات تاحال معلوم نہیں ہو سکیں اور متعلقہ حکام نے تحقیقات کا آغاز کر دیا ہے تاکہ کریش لینڈنگ کی اصل وجہ سامنے لائی جا سکے۔میڈیا رپورٹس میں کہا گیا ہے کہ واقعے کی تحقیقات میں طیارے کے تکنیکی مسائل، پائلٹ کی کارکردگی اور موسمی حالات کو مدنظر رکھا جا رہا ہے۔
