اسلام آباد( پاکستان خبر) پاکستان پیپلز پارٹی نے تاحکمِ ثانی پارلیمان میں حکومت کے ساتھ تعاون نہ کرنے کا فیصلہ کرلیا۔ذرائع کے مطابق پیپلز پارٹی قانون سازی کے عمل میں بھی حکومت کا ساتھ نہیں دے گی اور قائمہ کمیٹیوں میں حکومتی بلوں کی حمایت سے گریز کرے گی۔ذرائع کا کہنا ہے کہ پیپلز پارٹی منظوری کے مرحلے پر بھی حکومتی بلوں کی مخالفت کرے گی، جبکہ قائمہ کمیٹیوں میں ان بلوں پر ضروری ترامیم بھی پیش کی جائیں گی۔
